Eric Kwok送性器官按摩器

蘋果即時新聞

18/7/2014

郭偉亮(Eric Kwok)一連三場o既《我最喜愛Eric Kwok音樂會》噚晚o係紅館正式開鑼，個騷大打友情牌，搵o左梁詠琪、劉浩龍、鄭希怡、楊千嬅同陳奕迅等人o黎唱歌。而個唱搞到好似一個音樂頒獎禮咁，彭羚有兩首歌入圍，但彭Bell冇o黎到，《一枝花》由Gin Lee代唱，另一首《給我愛過的男孩們》由楊千嬅唱。Eric Kwok笑話:「佢o岩o岩打o黎話好想o黎,但林海峰唔俾，屋企有好多o野洗喎。」

頒獎禮Eric都不忘玩下o的台上嘉賓，吳雨霏唱《留不低》時，Eric送佢一個疑似性器官o既按摩器，話佢成日低頭玩電話，不過Kary似乎get唔到個按摩器有問題，仲反問:「係咪要拎住唱架?」

跟住又將梁漢文醉酒出洋相當笑話講，Eric送o左支太陽花俾佢，然後話:「因為『飲酒後變花』，好嬌俏，令大家好開心。」

而楊千嬅上台唱《楊千嬅》後，台上升o左個著住三點式o既人形公仔出o黎,Eric仲話佢身材fit o左咁多，想佢著出o黎,更笑話:「其實丁子高叫我買比你，想你著。」

o係快歌部份,王梓軒、鄭希怡出場唱歌時，Eric Kwok仲換o左Ironman o既造型伴舞。當陳奕迅唱歌時，兩個仲胸貼胸，陳奕迅仲摸Ironman個胸添，雖然性感欠奉，但搞笑十足。

	真係好耐冇見葉佩雯上台唱歌喇!
梁炳就收一支太陽花...

千嬅有比堅尼