睇Eric Kwok睇o的乜?

蘋果日報

19/7/2014

郭偉亮(Eric Kwok)前晚在紅館舉行首場「我最喜愛Eric Kwok演唱會」，全晚玩頒獎禮概念。Eric打盡人情牌，邀得16星伴Iron Man，更有張學友及葉蒨文兩位重量級嘉賓，少鹹笑話、炫富鑽戒、爆大鑊及愛的宣言等7個精采位統統奉上。頒個「最具欣賞指數」大獎給Eric Kwok演唱會，實至名歸。

睇Iron Man上身

Eric與《Iron Man》男主角羅拔唐尼相似度達99%，前晚他以紅色Iron Man造型出場為梁詠琪、鄭希怡、梁漢文及Eason的串燒快歌伴舞，Eric與Eason更有摸胸貼身舞步，被梁詠琪形容為「黐o左線o既Iron Man」。

睇張學友做嘉賓王

自嘲「嘉賓王」的張學友唱《有個人》時全場反應最熱烈，Eric送上舊式錄音帶Open Wheel作禮物。而Eric又與葉蒨文(Sally)合唱《傷逝》，Sally說:「呢首歌本來係陳奕迅，但係我好鍾意，所以求佢o地畀首歌我，之後都唔好意思再叫佢寫歌。」

睇郭媽媽喊住收戒

Eric提到父親是病態賭徒:「每次出事，媽咪就拎o的珠寶去當，我想見番媽咪開心o既笑容。」隨即播出Eric鑲嵌綠寶鑽戒的過程，更即場送給台邊的媽媽，郭媽媽感動到眼濕濕。Eric又含淚唱《那邊見》獻給亡父。

睇葉佩雯重踏紅館

郭太葉佩雯(Grace)以黑色露背低胸裙重踏台板，雖然她歌藝平平，不過Eric在台上重溫紅館的求婚片段，Eric問:「3年前我承諾畀幸福你，你答大家我有冇做到?」Grace抵死話:「幸福係有，不過錢就冇乜。」

睇Swing極速重組

Eric及Jerald由Snowman發展到Swing，拆夥重組又拆夥。前晚Jerald前晚在台上為好兄弟擔任樂隊領班，最後更極速重組Swing，兩人穿上紅白閃閃長褲獻唱經典歌《1984》及《大大公司》。

睇謝安琪點俾人寸

謝安琪(Kay)前晚未有現身，Eric說:「當年幫謝安琪寫《囍帖街》，帶佢去o左另一個level，Kay同我講佢好想好想o黎,不過佢經理人同我講佢唔得閒喎。」暗寸Kay經理人忘本，最後由蘇永康代唱《囍帖街》。