Eric爆克勤唱歌似機械人

on.cc

19/7/2014

郭偉亮(Eric Kwok)假紅館一連三場的「我最喜愛的Eric Kwok音樂會」舉行第二場，今場除了繼續有陳奕迅(Eason)、楊千嬅、葉蒨文等嘉賓外，今場還有李克勤、蔡卓妍(阿Sa)、林子祥及官恩娜等獻唱，另有王祖藍、劉心悠及方皓玟等座上客。

打頭陣的嘉賓是克勤，由於舞台鋪滿草地，剛從巴西欣賞完世界盃的克勤說:「世界盃都完o左,仲有草o既?準備定四年後?」Eric搞笑回應:「係呀，等等仲會噴水，我知你原本應該仲o係巴西開心緊。」Eric又大爆與克勤錄音的時候，曾斗膽批評對方的唱功:「我對克勤講o左o的好唔尊重o既o野,我同佢講可唔可以唔好唱到機械人咁。最後佢肯除晒o的盔甲、衫呀，試o下唔同唱法，為o左紀念唱《花落誰家》唱到機械人咁，我送一個鐵人28畀你，腳趾仲寫o左字。」

克勤表示與Eric作品還有《紙牌屋》，並大講黃色笑話:「我o地因為鍾意睇美劇，所以作o左紙牌屋。好彩唔係鍾意睇『四仔』，唔係就變o左鹹濕居酒屋。」

郭偉亮chok爆獻唱