指Eric Kwok個唱驚現「砵仔糕」艾粒玩謝5女星

都市日報

22/7/2014

組合艾粒一向愛「玩o野」，昨日他們在電台主持節目時，大爆在Eric Kwok第二場個唱台上的「歌手座位位置」發現「砵仔糕」(Nude Bra),懷疑有女歌手唔小心跌o左,艾粒更將「砵仔糕」相片放上facebook，即時令大家瘋狂競猜誰是「砵仔糕」主人，由於該位置當晚只有梁詠琪、楊千嬅、官恩娜、阿Sa及Gin Lee 5位女星，令她們成為眾矢之的，認真陰公!

昨日艾粒在商台節目《口水多過浪花》 中大爆:「當晚坐o係度o既歌手愈來愈少，發現地下居然有一個『砵仔糕』o既o野o係度 ，唔係講笑，係蘇永康佢o地發現一個透明o既『砵仔糕』,個個o係度笑，當時好多女歌手已經出o左場，梁漢文仲話你估o下邊個o既,我唔可以講名，因為坐得太近觀眾，驚佢o地聽到。」艾粒將「砵仔糕」照放上facebook ，任大家評論。

演唱會一開場，Eric Kwok介紹嘉賓後，台上早已預備一個角落位置，讓眾歌手安坐等出場及欣賞演唱會 ，當晚女嘉賓包括:梁詠琪、楊千嬅、官恩娜、蔡卓妍和Gin Lee，論衣著,穿吊帶露腰裝的Gin Lee嫌疑最大，Gin Lee回覆本報:「當晚係有戴Nude Bra，但離開時全身物件都好齊全，冇跌過o野。」而當晚穿得密實的梁詠琪透過經理人回覆:「當日套衫無需要用Nude Bra。」

那到底是誰的「砵仔糕」?本報向艾粒求證，他們解釋:「其實開頭睇真係以為係『砵仔糕』，但係睇真的就知係鞋墊，我o地唔o係節目講，只係想留返o的幻想空間畀大家 ，咁個鞋墊係邊個，就真係唔知喇。」原來艾粒玩o野,令5位女星虛驚一場，抵打!