徐繼宗 x Eric Kwok 今期流行
Eric Kwok,你一定好熟啦!前Swing成員,近幾年專注o係幕後發展,同佢合作得最多o既歌手係Eason,去年憑〈夕陽無限好〉,與填詞o既林夕,主唱o既Eason橫掃頒獎禮多個金曲大獎,作曲人Eric Kwok可謂功不可沒。
徐繼宗(Jone),聽開歌o既都知佢近期係劉德華o既至愛,〈17歲〉、〈繼續談情〉、〈我得你〉同〈天比高〉咪就係佢o既傑作囉!此外,薛凱琪o既〈男孩像你〉,亦都唱到街知卷聞。
唔好以為佢o地一個幫Eason,一個幫華仔就大纜都扯唔埋,查實,除左作曲之外,兩位自己都同樣出過碟、做過歌星。
難得,今期搵o舨兩位至流行o既著名作曲人講o下音樂、講下同佢o地合作過o既歌手,唔止齋講今期流行。