在○五年度的叱樂壇頒獎禮，Eric Kwok(左)和林夕憑《夕陽無限好》齊齊成為大贏家。
爛玩
輸給雷頌德，Eric Kwok(郭偉亮)心服口服，因為他自知衰爛玩，「金獎要計作品播放率，我唔想為獎犧牲。我鍾意作曲，但唔想成為負擔，所以每年只作二十首。我仲有其他嗜好，陪女朋友、滑水、養狗、旅行，要我犧牲時間，我做唔到。」
其實三十二歲的Eric，在六年前已經有第一次「高潮」，當年除了他作曲的《幸福摩天輪》、《給我愛過的男孩們》、《一枝花》等都唱到街知巷聞，但他沒有借勢上位，反而另覓出路。「九九年係一個奇蹟，連續七隻歌，唔同歌手都hit晒，好恐怖亦都好開心，唔知點解陣反而想抖。」
抖，其實並不是真的在抖，而是由幕後跑到幕前，與Jerald(陳哲盧)組成樂隊Snowman，半年後簽約英皇，為父親相識三十多年的朋友楊受成效力，改名Swing。當時的賣點是創作組合，曲詞編一手包辦，實行踩多瓣，為自己做監製鋪定路。「單係依靠作曲會餓死，如果首歌hit，最好搵係監製。」
所以三年後，已有知名度的Swing因為Jerald話唔玩，表面就此散band，其實他們只是轉型，拍住在幕後搵錢，陳奕迅的《Life Continues》大碟,作曲、編曲及監製均由他們一手包辦。
在○五年度的叱樂壇頒獎禮，Eric Kwok(左)和林夕憑《夕陽無限好》齊齊成為大贏家。
九九年與Jerald(左)組成Swing，四年裡過不少獎項，「因為Jerald好憎做幕前，不過我覺得一直做落去，會變成今日At 17。」