他半年前花四千蚊買單車，與謝霆鋒一齊踩單車減肥，「我無玩花式，踩兩個月就無踩，因為踩完愈食愈多。」
無錢剩
錢，算是賺到了。尤其在去年，除了作為陳奕迅御用監製，還有份幫謝霆鋒、林海峰、鄭希怡和I Love You Boy'z作曲和監製大碟，賺過百萬。別人以為他突然勤力，實情只是錢作怪，「上年屋企有事，之前又使大，所以要做番多o的。」
興趣多多的他不但沒甚積蓄，就連物業都沒一個，現居的渣甸山單位，也是租的。「我儲唔到錢，因為我太鍾意食、去旅行，所以抵我死。我追求自由多過安穩，但我都想儲到錢買樓唔使交租。」住渣甸山最低消費都要三、四萬蚊租，去其他地方，租金足夠供樓有餘啦!「我指買樓係一筆過俾晒，同埋我鍾意o個區。」
他對渣甸山情有獨鍾，皆因細個住在該區，話他是有錢仔，他認，但強調是以前的事。「爸爸以前是律師，家裡有司機同三個菲傭，小學讀St.Paul，Ted Lo、Mark Lui、CY Kong(資深音樂人)同側田都係，側田仲係我細佬同班同學。」
只是之後屋企「有事」無晒錢，他曾在報章表示父親是病態賭徒，一家大細經常避債走佬，估計應該是賭到破產。「算係啦，之後我十三歲同媽媽、細佬移民去美國，仲記得到美國屋企，媽媽就同我講:『以後你就要做一家之主。』之後屋企廁所塞、水喉壞都由我搞掂。 」
他半年前花四千蚊買單車，與謝霆鋒一齊踩單車減肥，「我無玩花式，踩兩個月就無踩，因為踩完愈食愈多。」
他與陳奕迅好老友，「上年Eason好得閒，佢特登同我一齊逼黃巴士，上深圳studio錄小提琴音樂。」
童年時的Eric生活富裕，有司機、有傭人。