霆鋒、曾江鬥戲當Eric Kwok透明
前日,Eric Kwok(郭偉亮)拍攝新歌〈晏〉MV,重特別邀請o左霆鋒、曾江、葉佩雯做嘉賓。霆鋒、曾江兩個好戲之人全程鬥戲搶鏡,連女友Grace都掛住撩仔傾偈,Eric全程慘遭冷落。
女友!Grace--Eric:「佢唔使講啦!佢o係MV度都係做番自己。」
兄弟!霆鋒--Eric:「佢本來要去北京做o野,後尾取消o左就即刻o打俾我話可以參與呢個MV。我o地兄弟o黎嘛,冇計!」
偶像!曾江--Eric:「佢係我偶像,做忠又得,奸又得,《射鵰英雄傳》o既東邪真係做得好好,相信冇其他人可以做得好過佢。我覺得佢、謝賢等都好能夠代表香港o既電影文化。」
好戲連場
曾江一到場,就即刻捉住細佬霆鋒傾偈,除左恭喜佢結婚之外,其後一直用英文講演技,老戲骨加埋百花男配角,連傾偈都交足戲!兩位o係MV中做男主角,Eric話10萬個放心!
[小圖左上]Eric同女友刻意避合照,搵兄弟間場,唔使咁見外o既,大家明白事理o架嘛!
[小圖右上]攞到偶像簽名,Eric即時笑逐顏開,難掩興奮心情。
[小圖左下]有偶像女友兄弟幫拖,Eric對個MV非常緊張,睇Playback時,緊張到咬手指。
[小圖右下]Grace同MV中o既男友Ian談情,劇情所需,真男友唔會呷醋o既!