女友

Eric和Grace認識於舊公司英皇，01年開始拍拖，在戀情還未公開時，Eric形容，感覺很刺激!「好似做James Bond咁。大家出到o黎o個陣，要扮到好唔熟，但睇眼神又好係，出街時又要避忌......幾過癮o架。」

至於04年女友退引樂壇期間，他被踢爆有第三者，他則以新歌作擋箭牌:「我最近首新歌叫〈晏〉，都是奉勸情侶們不要為小事就鬧分手，情侶關係應該要保持耐少少，如果有埋包容和原諒，就可以過到o個關，然後就有機會可以白頭到老......」

沒有刺嗎?「冇。」他肯定地說。「如果當時是完全去原諒的話，跟住就唔會去睇番轉頭，亦唔會覺得有刺。」

從資料所知，經過此役後，Eric明顯對Grace愛護有加，包括上台公開拖手合唱〈幸福摩天輪〉;包括陪她盡情吃喝，懶理外界說她暴肥，懷疑她有o左。「我唔覺佢有暴肥過，可能我o地成日見，而且我自己都肥。我知當時外面仲講o左好多次話佢有o左添，如果出面講五次都係真o既,咁我屋企咪有五個細路?」

更肉麻的是，他甚至在一個訪問中，說到女友復出樂壇時，要捧到她上太陽!「一個人點會咁樣講o野呀?」他很大反應地說:「我根本從來唔會咁自大話自己會做到呢件事，亦唔會講咁肉麻o既說話!我只講過，我會"目訓"身幫佢做碟。你幫我澄清番啦，唔該!」

唔使唔該。

和葉佩雯拍拖初期，Eric說，情況像拍James Bond片，很刺激!

Next