彩數

Eric說，做音樂，是十分講彩數的。「有實力的音樂人太多，一首歌又有太多人去決定用唔用、會否Plug、邊個唱、賣唔賣錢。」

他13、14歲剛移民到美國時，母親買了一部Synthesizer給他，才開始玩音樂。98年回港後，他開始寄Demo到各大唱片公司，第一首被用上的作品，是〈有個人〉，由張學友主唱。

99年，他所作的廿多首歌曲中，有七首大熱，包括〈幸福摩天輪〉、〈一支花〉和〈給我愛過的男孩們〉等，嚇到他彈起!「之前都冇乜人用我作o既歌，但o個年開始有人用，仲派埋上台Plug、仲要Hit埋，一次過發生o係我身上，好快!對我來說，簡直是發夢，我自己都o黎唔切接受!」

另一個高峰，則是去年的〈夕陽無限好〉。「又係好彩囉。」他說。「其實首歌04年已經作好，到我跟陳奕迅做碟時，我就向他推介Plug這首歌，因為我對這首歌信心很大。」

「其實我自己都好驚、好大壓力!因為我從來都不會跟人說這種話，話晒《U87》是Eason復出後第一張碟，如果首歌出o黎唔得，我咪影響佢�嚘q唱事業?」

「佢最初都係信一半，只打算做Second Plug，First Plug是〈阿牛〉—如果當時真是這樣安排，〈夕陽無限好〉便可能不會有這樣的成績，呢�曮}際遇囉!」

我的看法是，香港的流行歌曲總會有它的模式，作曲時只要懂得計算，應該也不難飛黃騰達。「我寫歌好隨心，冇諗過K唔K歌或者為攞獎。」

噢，明白。

年初因〈夕陽無限好〉一曲，上了多次頒獎台領獎，說話不多，但很開心

Next