Swing Swang Swung Swinging

曾經,偶然從收音機聽到〈1984〉流麗的Canton Pop旋律,還有在苦慢情歌充斥的當年, 聽到〈Shut Up〉這種趣緻Funky的廣東歌,使人對廣東的視野,一下子擴闊開來,原來可以如此開心。

好景不常,在最渴求快樂音樂的時候,Swing解散了。失落了好一陣子,充滿才華的組合, 最終卻要關門、清場、拉閘。幾年過去了,來到大家都不快樂的09年,Swing竟然適時的復合了!雖然,對於香港來說不是一件甚麼大事,但對於需要聽快樂的廣東歌的人來說,這次復合,無疑是天賜。另一方面,對於Eric Kwok和Jerald來說,今次復合也是他們尋找快樂的新開端。

屎忽痕

這次訪問,很好玩,好玩在未埋牙先被佢o地將一軍,錄音機都未開,Jerald就話:「因為想!」哦,原來玩自問自答!

T:東Touch J: Jerald E: Eric

J:因為想。
T:o下?
E:因為好想
J:因為我o地好想。
E:你係咪想問我o地點解出返o黎?呢個咪答案囉。
J:o拿,再答埋你,新碟會有Big Band、慢歌,有Eric元素,亦有我o既元素。

E:其實有件事要講,就係耍解釋點解要......
J:我聽緊o架,你問啦。
E:我唔係好忍心問落去。
J:哦,問我點解當年解散,而家又屎忽痕o下嘩?

T:唔係,其實係想了解你o地唔同階段o既心態。
E:Snowman時候的心態係想統一樂壇,仲想改變佢,野心好大。
J:到Swing時代我已經放棄o左,呢個樂壇原來改變唔到。
E:改變唔到,但想做跟樂壇好唔同的音樂,Set一個人o地冇我o地有的位置,想被人認同,想入屋,想成功。
J:想上榜,想攞多o的No.1,仲諗如果攞到個最佳組合獎就好喇!而家覺得當時好戇居。
E:而家好唔同,首先以前o的碟好多歌係我作或者佢作,好少一齊作,除o左〈大大公司〉等幾首,有時佢覺得我隻歌Plug o左但佢隻歌冇用到,以前冇講出o黎, 積o下積o下就出問題。

T:有冇開心見誠討論?
E:話哂對方係自己另一半,自己作歌成日都唔用,點都會唔開心。當時未分開做監製,而家過了好多年, 佢已經有佢o既名堂,我又有自己的成就,返o黎純粹為音樂,而唔係要證實我o地仲係好勁。

Next