T:有冇後悔當年退出o左?
J:絕對冇。我退出係因為我做得唔開心，一解散o個刻好開心，好似放低o左個包袱。
E:因為當時一年出三隻碟，又森美小儀歌劇團，做碟o既同時又要出o黎做Promotion，好辛苦。當我11月出碟,7月又要開始做歌,但係7月時仲係做緊上一隻碟o既Promotion。
J:當時覺得白做,放好多心機,好似冇人聽到。點解我o地要出o黎(做歌手)先?我自己放歌上網唔好?或者俾朋友聽咪得囉,使乜要話俾其他人知:「我好得o架,我o的歌好掂,你o黎聽啦!」好Fed up,而且當時興Twins,Cookies,Shine,係偶像世界,唔多興Swing呢類組合,我唔係蔑佢o地,佢o地有自己價值,總之我係睇唔到做o既原因。
E:佢諗得太多喇,從Snowman開始實在捱了好耐,去到Swing攞獎o個一刻,基本上係多年努力開始有成果,開始可以做騷搵錢,條路最易行的一刻,佢就想好似張國榮咁在最高峰退出,話唔可以忍受跌返落o黎喎。
J:當時係攞個金獎,但我犧牲咁多,唔開心咁耐,我覺得唔值得,唔係蔑個獎,而係唔應該為咁而做。
E:好多當時o既包袱今日已經放低,佢性格係咁,表面好開心,其實好悲觀,我好樂觀,但個樣就好悲觀。
J:以前做個訪問,都會擔心唔知人o地點寫我,而家就唔會囉。
E:仲未o者,今次係第一個正式訪問咋。
T:Jerald退出後有乜o野經歷?
J:Swing合約係英皇o既,我唔做就毀約,解約有個條件,7年內唔可以做幕前,如果要再做幕前,一定要俾First
Choice佢o地,佢o地唔簽,我先可以搵其他公司。
E:佢份約o岩o岩4月先完。
J:所以我等到而家先出o黎囉。
E:其實都唔係等份約完,因為咁多年佢都冇諗住再玩,咁o岩有一日佢唔知從邊度搵番張Contract,又突然有興趣玩番,先至成事。
T:係咪因為上年拉闊?
J:都有少少,因為拉闊見到自己Perform,個人好似輕鬆哂咁,我係鍾意表演,只不過唔鍾意付出代價,亦唔想揹一個Artist的牌,所以一直都冇諗住復出。我係想做,但唔係恨做。
T:o黎緊一年會主力做Swing還是會兼顧各自的幕後工作?
J:我自己會專注Swing,今年同明年,Swing工作會排第一,我同所有認識o既行家講明,如果配合到時間,都樂意合作,但Swing一定行先。
E:我就唔係同行家咁講,我話你o地有o野就即刻搵我,Swing o個o的排第二o既,哈哈哈!
T:舊年Eric講過想攞作曲人獎嘛!
E:我係想作多o的歌。
J:佢應該要有目標啦,唔係又走去打機。
E:你唔睇股票o既。