Swing鍾意點就點!
對於香港樂迷o黎講,一首K歌就代表好歌,稍為欠缺商業性少少就唔該行埋一邊。Swing懶理。打從Snowman年代至而家Swing,歌曲係俾人話「另類」、「古怪」,講到會否怕香港心接受唔到,Swing兩子異口同聲:「自己鍾意點就點。」
靠樣?衰硬
有音樂創作人靠寫K歌而出位,有歌手單靠樣子而竄紅,不過Swing唔寫K歌,唔靠樣,佢o地靠咩?「o係香港樂壇,我o地唔需要靠任何o野,靠自己囉!其實有Swing,都係想帶俾大家另類少少o既音樂,想推動樂壇,唔係淨係靠商業歌。我o地知道香港有好多人都識得寫歌,不過Jerald同Eric o既結合o係音樂上確實可以產生化學作用,唔會咁單調,呢樣就係Swing o既賣點。我o地Swing生存o既意義係靠歌,唔係靠其他o野,有歌手可能係靠樣而紅,不過我o地靠樣就...衰硬!」說罷,Jerald、Eric你眼望我眼,二人不若而同流露出一個「鄙視」眼神。