Swing走Snowman復出
Swing出名癲，有冇想過今次解散其實只係一個笑話，甚至係為Snowman復出鋪排?
T:Eric，你好緊張佢走唔走到?
E:你明唔明白，呢樣o野講o左兩年，如果真係實行唔到，我o地呢世都唔使旨意出黎講o野。我o地平時講o野已經冇句真，但今次演唱會已經講明叫「後會無期告別」......
J:喂喂，我o地兩年前出o黎做訪問已經講得好清楚，今次返o黎只係想做多次Swing，出兩至三隻碟，
開個演唱會就完，而家所有o野都according to plan，所有o野都發生得好準。
T:而家Eric就係驚你唔準呀!
J:唔會唔會，我走硬。
E:呢單o野，你個親戚幾時同你講?
J:我o地出......唔係，未出《電》之前。
E:真係呀!點解而家先同我講?
J:費事你好似而家咁，係咁追問我嘛。
E:問多兩句o者，問多兩句都唔得呀?
J:因為我都唔知點樣去解釋，我信信o地呢o的o野，佢只係話走唔到o既原因，會係一個good thing。但在我o黎講，走唔到已經係bad bad
o地。
T:會唔會最終可能要o係演唱會完結時，同大家講:「我o地講笑咋，呢個笑話我o地鋪排o左兩年!」
J:係喎，壓軸喊住唱〈1984〉時，「不知怎去再復尋......哎呀,我真係好唔捨得你o地,不過唔使擔心,我o地好快出年又見面,哈哈......」。
E:o個個叫「再見演唱會」，再次見到Swing。但今次個唱仲叫「後會無期」o添，唉......
J:我o地改過個名囉，Swing後會無期之嘛，改過個名咪再出o黎，又唔係未改過。
T:變番Snowman復出咪得囉!
J:係喎，用番Snowman咪得，哈哈哈哈......
E:Swing走，Snowman復出。
返加拿大做海關
一個音樂人，要轉行，可以做乜o野呢?Jerald早有計劃，做海關。
T:有冇諗過做太空人，自己留低在香港搵食?
J:冇諗過，我接受唔到，我老婆更加接受唔到。
E:唔係喎，我記得09年出《武當》時，你親戚都話反應會好好，似乎佢唔多準。
J:佢冇咁講，佢只係話《電》的反應會好過《武當》，咁你要睇同乜o野比。如果同《H3M》(陳奕迅)比就冇得比啦!
T:返到加拿大搵乜o野工呢?
J:會搵政府工，可能先做稅務局，之後會轉去海關。因為我知道返到去唔可以靠音樂維生，咁搭飛機時見到海關關員o的工作幾過癮，
照計我個人咁charming，入到去應該可以討好o的高層，然後可以步步高陞。話哂我o係香港有咩高層未見過，加拿大政府o的高層算得乜o野o丫。
E:寫低佢，等佢走唔到。
T:原來你係因為呢篇訪問而走唔到，哈!
J:我唔係吋，咁加拿大比較純，乜都執正o黎做，好事o黎o架!
T:其實周耀輝都o係荷蘭生活，然後越洋填詞，你都可能work。
J:我成個人o係香港都冇乜人搵我寫歌，更何況o係加拿大?
T:矜貴o的嘛，同人講我o係加拿大搵到Jerald幫我寫歌，好似勁o的!
J:咁咪好囉，我唔介意。
T:咁Eric呢?解散後又做乜o野?
E:會專注做幕後，其實我未試過全職做幕後，一路都係兼,試o下可能會有更多job。