走得安心
9年前，Swing解散，Jerald走得不開心，還以放低一個包袱去形容，但今次走得開心好多，完全係安心上路。
T:今次係咪走得開心好多?
J:開心，真係乜o野想做都做哂。
E:你去得安心嘛?
J:安心!see you on the other side。
T:開心在做過o的乜o野?
J:有得拍古裝，有得同黃日華、劉丹拍戲已經好開心，又吊威也。上星期又夾埋Eason玩《爆腎》整蠱Eric啦，我未試過玩得咁開心。拍〈無限〉MV啦，Eric真係黐線，
係咁搵o野襲擊我，又蕃茄又矮瓜，好好玩。
T:全部都同音樂無關?
J:(突然提高聲調)我o地做音樂o架咩?音樂係乜o野o黎，講真，我o地有乜o野資格講音樂，我次次講多兩句，Eric都話我o地邊有資格講音樂，冇人識又冇人理，你係咪咁講o丫?
E:冇資格就o岩，冇人識就唔知。我o地一講到音樂，讀者就會揭走唔睇啦，要講音樂，駛鬼聽我o地兩個講咩。好似今次隻碟，題材會鑽到好深，講o既內容好宏觀。
第一主打〈無限〉，好多人聽完唔知我o地唱乜，其實講實道家思想，你明就會明。第二首派台叫〈Intelligent Design〉，
係一個好新的概念去挑戰進化論，進化論解釋到人類點樣進化得來，但冇可能解釋到life係點o黎，而佢o地就相信世界是有創造者，未必係神，可能係外星人，
可能係未來的人類。因為當你放大每個細胞去睇，其實每個細胞都係好有效率o既獨立機器，根本冇可能進化得來。而首歌〈Intelligent
Design〉就係講呢樣o野，你要好有耐性先聽得明。
J:之前都冇耐性，呢隻更加冇啦!
T:咁演唱會呢，又會點玩法?
J:我o地唔係開演唱會呀，我o地係開farewell party，只係我o地好好彩可以o係咁大o既場地開，又可以請到好多明星做嘉賓，
個形式會同一般演唱會好唔同。
E:除o左同表演嘉賓o既表演，我o地仲會跳舞啦，應該話我o地會跳，但唔知係咪舞。總之認識Swing的，就會覺得呢個係好Swing o既concert，
係我o地自己度的，唔係人o地度俾我o地。