被迫穿「呆佬拜壽」裝的Eric，即席扮演「鹹濕老爺娶妹仔」,氹到老婆鬼咁開心
葉佩雯郭偉亮補擺喜酒 試裙褂硬晒"車太"
郭偉亮(Eric Kwok)與葉佩雯(Grace)拍拖 11年，結婚 1年。本月 23日，兩人將會設宴 35席補擺喜酒。他們相識滿天下，兄弟姊妹團粒粒巨星，屆時已離婚的謝霆鋒及張柏芝更會同場贈興， Eason又會幫新人頂酒。日前，本刊獨家直擊郭氏伉儷試裙褂、禮服過程，穿上一 set中式傳統「呆佬拜壽」裝的 Eric，十足呆佬硬晒"車太"。為氹老婆，一時擺chok樣，一時又取笑自己似聽主人話的狗，一時又扮「鹹濕老爺娶妹仔」，冧到 Grace鬼咁開心。
Eric Kwok葉佩雯搞事夫妻
去年11月23日，是Eric及好友Jerald的組合「Swing」告別舞台的演唱會最後一場。當晚Eric當著全場萬人面前，向Grace下跪求婚，更一早安排了律師在場即時簽紙註冊結婚，製造驚喜浪漫。
事隔一年，兩人定於本月23日在北角海 逸君綽酒店設宴35席擺酒完婚。Eric說:「知道今個月 23號係好日，咁o岩同上年演唱會結婚o個日係同一日，真係有紀念價值。」對於該酒店曾發生火警， Grace表示冇有怕:「火燒旺地，咪仲旺我o地!李燦森擺酒都同我o地同一個場，咁多人揀，應該唔使驚。」
婚期將至，忙著替其他歌手做錄音工作的Eric,日前才有空與老婆試裙褂、禮服。通街老友的Eric得到蘇志威贊助禮服，當日第一站便到尖沙嘴金巴利街、蘇老闆與友人合資的婚紗店「LUXE」試衫。「多謝蘇Boss啦，令我又煩少一樣，我好怕揀衫、試衫。」Eric笑說。其實婚宴的煩惱豈止咁少，據知跟二人老友的謝霆鋒及張栢芝屆時會鮮有地同場，霆鋒擔任戥穿石,柏芝則只會來飲喜酒。Eric說:「霆鋒o個日有工作在身，佢話盡早趕o黎！」而另一 pair矚目的緋聞情侶則非容祖兒、「師兄」劉浩龍莫屬。當晚男方亦是戥穿石之一，據知祖兒為避免尷尬，只會是座上客，不過到時依然難免成為焦點。對於祖兒會否與師兄同臺,一對新人堅持保密。
被迫穿「呆佬拜壽」裝的Eric，即席扮演「鹹濕老爺娶妹仔」,氹到老婆鬼咁開心
唔慣影相及當眾換衫的Eric,被工作人員搞到硬晒"車太",更不時捽眼想"目訓"覺
戴了「帝女花」鳳冠的Grace,經常被百厭老公搞冠前珠簾,
fing到「發發聲」，激死老婆
Eric只帶肉身前去試蘇志威贊助的禮服,Grace則替他襯好煲呔