巔峰俠 郭偉亮

繼黃偉文和雷頌德後,郭偉亮成為第三個將會走進紅館、舉行個人作品展的香港音樂人。過去十多年,走上頒獎台的常客,除了陳奕迅無懸念,其實Eric Kwok亦一樣,每年有獎,平均每四年還會抱走至尊金曲大獎。他說這四次,99年〈幸福摩天輪〉、04年〈夕陽無限好〉、08年〈囍帖街〉、12年〈重口味〉是他四個事業高潮,而14年7月即將舉行的兩場個人作品展,則是巔峰。

我一個凡人,每天上班下班吃飯睡覺,沒見識過事業巔峰,於是問問40歲的Eric Kwok,人在巔峰的感覺,有幾爽?「99年,第一次,爽過,覺得自己好勁,係因為未睇清楚呢個圈。到我有一日睇清楚,巔唔巔峰,已經冇所謂。我需要hit歌,係為保住個招牌,等我繼續有得撈?!」

Iron Man(鋼鐵俠)大熱,留起鬍子的Eric Kwok都說像極未披上鐵甲的電影角色Tony Stark....可惜Eric Kwok既不是Tony Stark,亦不是Eason Chan,默默耕耘17年,買不起Tony架250萬的R8,更買不起Eason架400萬的Aston Martin。碌完人情咭搞完場作品展,接下來的咭數,有排還。


Next