Eric Kwok從1999年開始，就是「叱o宅」常客，今年1月1日，捧走的則是「叱o宅樂壇作曲人大獎」。
我唔係陳奕迅
預計七月舉行的個人作品展，郭偉亮保守估計開兩場加一場。嘉賓名單雖然還未敢敲定，不過誰都猜得到陣容，走唔甩陳奕迅、張學友、謝霆鋒、謝安琪、老友 Big Four，還有祖兒、詠琪同千嬅。74年在香港出生，97年從美國回流，今年才40歲就能擁有群星拱照的個人作品展，何其威武!
11年做Swing告別演唱會，諗到天花龍鳳，但係主辦、製作開完會話cut budget，好多o野都做唔成。所以我今次自己學做主辦，所有會自己有份開，就算 cut，都要知點解 cut。09年同Jerald(陳哲廬)走番埋一齊，心境已經同99年完全唔同。當年我同Jerald組成Snowman(00年易名Swing),知道我o地唔係o黎拍韓劇，係想要鬼馬o的、 chill o的,滿懷希望滿懷理想，結果最紅、唯一紅o個首，係〈 1984〉，係最Canton Pop、最唔Swing o既一首，其他歌，一概淪為elevator music，可有可無。當年失望，但係搞清楚個道理，就冇咩再失望、冇咩好期望。
呢個世界，三分靠能力，七分靠運氣。97年返香港，係因為覺得自己得!等到 99年才有張學友第一次揀我首歌〈有個人〉做主打,o抖啖大氣:「都話我o既o野得o架啦!」不可一世，以為掂真係靠自己。結果人人排隊等我交歌、其待我再畀隻 hit歌佢、結果下一首 hit歌要到五年後，咪知道，唔係因為我，係因為運囉。寫歌可以計數，但係結果冇得預見。我知道〈囍帖街〉會 hit，但係冇人知會 hit到咁，呢o的就係運。我唔係陳奕迅......呢個世界有幾何會出一個陳奕迅呀?好多o野整定o既。我碌一次咭、辦一次個人作品展，係想同現場8000至萬二個觀眾做個 friend，畀佢o地知道邊個係Eric Kwok。呢o的咭，一生人，碌得幾多次?
Eric Kwok從1999年開始，就是「叱o宅」常客，今年1月1日，捧走的則是「叱o宅樂壇作曲人大獎」。
老友陳奕迅每張年度大碟、每年得獎金曲的創作人名單，都少不了Eric Kwok名字，個人作品展，Eason走唔甩。