一個人的火 Eric Kwok
很多人洋名都叫Eric，很多人也姓Kwok，偏偏把這兩個合共分個字母的字放在一起，有難以言喻的火花。「我諗同人o地叫我做Iron Man一樣，差唔多。我冇乜所謂，都係一個方式等你認識我，你舒服、你happy就得。唔好叫我o的好核突o既名就得喇，我未必會應你!中文名我都覺得核突o架，所以叫我英文名好o的。」
郭偉亮先生是香港流行樂壇知名創作人，入行轉眼近二十年。很多人說創作是條孤獨的路，對著樂器、電腦作歌編曲，大抵都在幹一個人的活。「自己開心興奮就作，因為係嗜好。做歌畀自己咩都唱得，自己鍾意點就點。」
然而，因為創作而結識到眾多朋友，這位創作人並不孤獨，更於七月在紅館和超過二十位歌星朋友，來個作品大匯展。縱使曾以組合Swing底Snowman姿態行走樂壇不算成功，但是好音樂、好朋友永遠存在，Eric Kwok的火，才能燃燒下去。
一人創作
Eric Kwok說他的幾他幾感性，搞演唱會除了讓大家看歌星、聽歌，也想同大家交朋友，講真心說話，因為表明不會預寫台詞，爆肚為主。他的感性創作之火，源於中一那年，爸爸欠債，他要隨母親移民美國加州避難。
「係忽然間去美國讀書，完全冇心理準備，一個唔識講英文o既人夾硬被掉o左一個美國文化。我唔睇籃球，又唔睇美式足球，佢o地笑o個o的電視我又唔識笑，o的朋友又冇哂，所以自閉o左好耐。因為呢個自閉，令自己鬱埋鬱埋，我叫我媽媽買個琴畀我，佢買o左個可以編曲o既琴，都成萬蚊港紙，我就不斷學，就係咁樣開始。」