Eason:喪標製作
歌手,由〈幸福摩天輪〉開始已不時跟Eric Kwok合作,2006年更與Eric及Jerald合作一張主題EP《Life Continues...》,歌曲包括〈最佳損友〉、〈落花流水〉。
「老實，自己同Eric比較熟，同Jerald較少聯絡， 不過好奇怪的，雖然結婚時酒席非常緊張，好多人想請o既人都請唔到，但我仍堅持點都要請埋Jerald同佢太太,證明佢o係我心目中有一定位置。或者大家都在外國長大， 文化背景相若，所有三個走埋一齊時講o野特別投契，而我一直都好欣賞兩位的音樂才華,所以促成大家一齊做張《Life Continues...》EP。大家細心聽下張碟， 其實好中西合壁，〈低調〉、〈人車誌〉同〈暴殄天物〉,如果冇o左Jerald o既Beat Box會差好遠。所以我希望將來有機會再同呢班『喪標』合作， 做多張大碟。」
「Swing有自己一套幽默，有少少黑色感覺，不過就要你思想細密，夠Open Mind先會get到。其實兩位對我都有不同程度o既影響，Jerald係一個好即興的人， 比我更即興。當時我首〈太得大快〉作得幾句，要錄落碟係有o的動搖，但佢就慫恿我作埋去，彈埋去，從而俾到好多信心我去做好件事。我相信呢張碟o係我將來回顧自時， 是值得驕傲的o既一張唱片。」
「今年佢o地重組都係好事丫，其實香港有很多Swing迷。不過我又覺得作為組長，離離合合係好平常的事，唔需要太戲劇性，人始終係獨立個體， 有時想自己去試其他o野咪去囉，人各有志。」
黃偉文:羨慕風流
填詞人，由Snowman開始已經合作，作品有〈大大公司〉、〈帝國大廈〉。
「我先認為Eric Kwok，基於大家是同一間Publisher，不過只限於在春茗見過面，食過餐飯咁。正式第一次合作時,他們仲叫Snowman,Eric想我幫佢填首『搞笑o野』,其實我對『搞笑o野』有o的抗拒,在歌詞上好難Work,好易變左曾志偉,雖然我都有幫過曾志偉填詞。結果我都盡量配合,填o左首〈打者愛也〉。 雖然首歌未算最得我心,亦不是我風格,但都不失禮。後來他們在英皇推出一張EP《For Sale》,當時已經知道Jerald打算離開娛樂圈,兩位都唔知出完呢張碟後仲有冇下一次,所以就俾o左呢個概念我,令我寫出首〈大大公司〉。這是我跟Swing合作過較滿意o既作品,便讓他們奪得第一次流行榜冠軍歌。記得我 一知道上o左冠軍,好開心咁打俾Eric報喜,點知佢反應係冇反應,因為佢一直都有留意播放率,一早就知道會得到冠軍,當時我覺得自己好戇居。」
「睇牌面,你會覺得Eric悲觀o的,Jerald樂觀o的,其實o岩o岩相反。而Eric係一個 比較少在交歌時會俾歌詞方向o既作曲人,不過我同佢其實唔係好夾,佢交出o既題材有近半係我覺得冇興趣或者未必適合我去做,而我o地又係好硬頸o既人,唔容易說服到大家,所以同佢合作o既成功率係一半半。可能佢知道我 係咁,到《Life Continues...》時就俾我自定題材。」
「今次重組,佢o地無形中建立出一種風流感覺,即係得閒就出o黎做張唱片,冇定幾年幾月幾日會再拆夥,冇話幾時又重聚。我o地就好似天文發燒友咁,一直等待兩粒哈雷彗星唔知幾時相遇。能夠做到咁,我都幾羨慕。